• 1

Соопштенија

  • Пријава за митровденски средби 2026 година +

    Линк за симнување на пријавата Прочитај повеќе
  • ОДЛУКА за избор на работници по објавен оглас за вработување на неопределено време бр.01/2026 од 11.05.2026 година +

    ОДЛУКА за избор на работници… Прочитај повеќе
  • ЈАВЕН ОГЛАС ЗА ВРАБОТУВАЊЕ НА НЕОПРЕДЕЛЕНО ВРЕМЕ БР. 01/2026 +

    ЈАВЕН ОГЛАС ЗА ВРАБОТУВАЊЕ НА НЕОПРЕДЕЛЕНО ВРЕМЕ БР. 01/2026 ЈАВЕН ОГЛАС ЗА ВРАБОТУВАЊЕ НА… Прочитај повеќе
  • ИЗВЕСТУВАЊЕ +

    ИЗВЕСТУВАЊЕ Почитувани корисници, Ве информираме дека… Прочитај повеќе
  • Јавен оглас БР.02/2025 за вработување на неопределено работно време +

    Во прилог го имате целиот… Прочитај повеќе
  • 1
  • 2
  • 3
  • 4
  • 5
› ‹

Националната установа универзитетска - Библиотека „Гоце Делчев" - Штип,  додели признанија на основните и средни училишта во Штип и Карбинци, во рамките на манифестацијата „Од читалиште до библиотека", а која е дел од прославата 70 години од постоењето на библиотеката.

одбелезуванје2

Директорката на НУУБ „Гоце Делчев" - Штип, Милена Ристова-Михајловска, истакна дека со оваа манифестација сакаат да им оддадат признание на учениците и наставниците, кои учествуваат во сите проектни активности на библиотеката.

одбелезуванје4

- Во текот на 2016 година реализиравме голем број на проекти поддржани од Министерството за култура, а надвор од тоа плус стотина афирмативни активности, со цел доближување на книгата на сите групи на читатели, вели Ристова-Михајловска.

Советникот за општествени дејности во Општина Штип, Кирил Панајотов, вели дека 70 години од постоењето на библиотеката е јубилеј достоен за почит.

одбелезуванје5

- Во оваа прилика се потсетуваме и на почетоците на библиотекарството во Штип, зборуваме за првото читалиште, кое во 1862 година Штип го добива во рамките на своето неделно училишта, а потоа прераснувајќи и создавајќи услови за присуството на книгата во нашиот град, вели Панајотов.

За успешен крај на годината штипската библиотека „Гоце Делчев“ ги награди најредовните читатели.Слободното време секогаш е добро искористено, кога покрај себе имаш добра книга. Највозрасните читатели и покрај тоа што работниот век го поминале во читање на стручна литература, таа љубов кон книгата ја продолживаат со читање на различни жанрови.

-Овој ден е посветен на нашите ценети читатели, консументи на духовната храна од библиотеката, книгата, да им оддадеме едно признание, една благодарност, за тоа што се постојано тука со нас и се дружат со книгата, изјави Соња Манева, библиотекар.

citateli1

Наградите беа поделени на најверните читатели во детско, возрасно и академско одделение. Кај децата, награди беа поделени од прво до деветто одделение, а кај возрасните во категориите пензионери, вработени и ученици.

- По заминувањето во пензија најдов задоволство во читањето на книги, имам многу книги прочитано, некаде преку 200, секоја книга е посебна за себе, навистина книгата е најдобар другар и пријател на човекот, изјави Софија Димкова, добитник на награда.

citateli2

Наставничката работа изгледа не влече кон читањето, ете и јас сум професор од гимназијата во пензија, со читањето не сум од пензионирањето, читам уште од детството, изјави Зорица Атанасова, добитник на награда.

Освен пензионери, беа наградени и студенти, а добитник на овогодинешната награда за студенти е Тургај Деде од Турција.Годинава имаше и награда за штипско семејство кое прочитало најмногу книги.

citateli3

Со овие симболични награди штипската библиотека има за цел да ги мотивира и поттикне штипјани да читаат повеќе, како би се стекнале со поголемо знаење, но и духовно богатство на личноста.

Освен слободна литература библиотеката има на располагање и голем избор и на стручна литература.Штипската библиотека им нуди и семејни пакети на редовните читатели. Семејството Младенови се едни од нив.За време на новогодишните и божиќните празници, па се до први февруари штпската библиотека нема да работи во сабота.

НУ-УБ „Гоце Делчев“ е еден од тројцата добитници на принзниието „Ацо Шопов“ кое го додели Домот на културата на манифестација која за прв пат се оддржа во нивна организација. Добитници се и поетот Благој Самоников и Друштвото на писателите на Македонија.

Со читање на Беседата за големиот поет и револуционер Ацо Шопов напишана од поетот Христо Петрески по повод 93 годишнината од неговото раѓање, започна манифестацијата „Во чест на поетот“ која прва година ја организира Националната установа центар за култура „Ацо Шопов“ Штип.

признание3

Неговата скромност ја опишуваат и оние кои имале можност да запознаат и оние кои не го знаат. Дека е чест и огромно задоволство лично да го познаваш Ацо Шопов потврдува и Благој Самоников, штипски поет кој во далечната 1974 година имал можност да го запознае овој голем македонски поет.

Роднокрајното катче сместено во штипската библиотека и го носи името на овој значаен поет е само едно од низата проекти што оваа установа ги има посветено во чест на Ацо Шопов.

признание2

По повод 93 годишнината од раѓањето на штипскиот поет, револуционер и основоположник на современата македонска книжевност, Ацо Шопов ВО Штип се организираше традиционалниот рецитал „Младите за Шопов“ и манифестацијата „Пеења на тишината“.

Во спомен собата на „Ацо Шопов“ во Домот на културата во Штип денес со доделување на признанијата „Во чест на поетот“ се заокружи чествувањето по повод раѓањето на Шопов.

Оддржана манифестацијата „Пеења на тишината“ во чест на Ацо Шопов. По повод 93 годишнината од раѓањето на штипскиот поет, револуционер и основоположник на современата македонска книжевност, Ацо Шопов, штипската библиотека денес организираше еднодневна манифестација, насловена „Пеења на тишината“, на која учествуваа и ученици од Прилеп и Св. Николе.

tisina1

Денешната манифестација која е во чест на штипскиот поет и револуционер е со тенденција да прерасне во традиционална. Инаку, штипската библиотека оваа година за прв пат во рамки на Штипското културно лето ги организираше и Деновите на Шопов.

tisina2 tisina4

НУ-УБ „Гоце Делчев“ беше организатор на свечената академија по повод 1100 години од упокојувањето на Свети Климент, која е дел од програмата за одбележување на претседателот на Р.М, д-р Ѓорге Иванов.

1.100-годишнината од упокојувањето на Свети Климент Охридски, Штип ја одбележа со свечена академија, во храмот посветен на македонскиот светец и еден од учениците на светите браќа Кирил и Методиј:

– Тој исто така е и првиот епископ словенски, којшто го создаде првиот универзитет на Балканот на Плаошник, кадешто описмени 3.500 луѓе, рече г.Иларион, митрополит на Брегалничка епархија.

akademija123 akademija123 1

Св.Климент имал педагошки и учителско- просветителски и црковни дејности, кои ние, неговите наследници, мора неуморно да ги чуваме и пренесуваме:

- Да си ја чуваме Македонската Православна црква, бидејќи тоа ни е завет од Свети Климент. 1.100 години опстоиме благодарение на неа, кажа Илчо Захариев, градоначалник на Штип.

akademija12345 3

Денешната акдемија е само дел од активностите во градот, кои се организираат по повод престојниот празник:

- Во овој контекст би ја споменала и успешно реализираната конференција за неговото дело во рамки на Филолошкиот фалултет при УГД, истакна Милена Ристова -  Михајловска, директор на НУ УБ „Гоце Делчев“ – Штип.

akademija123456 1

На свечената академија во Штип присуствуваше и претседателот на државата, Ѓорѓе Иванов, под чие што покровителство се организира програмата за одбележување на 1.100 години од упокојувањето на Св.Климент Охридски.

akademija12345 4

akademija123456 2

akademija12345678