На 6 април, пред многубројната публика во салата за промоции, беше промовирана најновата книга на нашиот сограѓанин проф. д-р Андон Мајхошев „Македонка“ – од отворање до затворање, пропратена со изложба на фотографии од работењето и постоењето на овој текстилен гигант во нашиот град.
Книгата претставува уште еден бисер од герданот на Роднокрајното одделение при библиотеката – значаен извор на информации и сведоштво за духот на едно време, во кое „Македонка“ не е само работно место, туку комплексен систем во кој се интегрира целокупниот социјален живот на своите вработени.
Промотори и рецензенти на книгата се проф. д-р Билјана Тодорова, декан на Правниот факултет при УГД, и проф. д-р Страшко Стојановски, продекан на истиот факултет. Делови од книгата читаше Љубица Жежова, студентка на Правниот факултет. Настанот го модерираше студентката на истиот факултет Мелани Иванова.
Од име на библиотеката, за значењето на оваа публикација се обрати Тодор Џидров, библиотекар во Роднокрајното одделение.







ЈАВЕН ОГЛАС ЗА ВРАБОТУВАЊЕ НА
Почитувани корисници, Ве информираме дека