На 22 и 24.10.2025 година се реализираше проектот „Децата со посебни потреби во општеството“, финансиски поддржан од Министерството за култура на Република Северна Македонија. Проектот имаше за цел да ја поттикне инклузијата, да ја зајакне свеста за еднаквост и да го унапреди процесот на образование и социјализација на децата со посебни образовни потреби.
Учесници и организација
Во активностите учество зедоа учениците од ООУ „Ванчо Прке“ – Штип, заедно со учениците од посебните паралелки. Раководители на проектот беа Ирена Тонева и Валентина Варадинова, а стручен тим кој придонесе за реализацијата беа дефектолозите Маре Симоновска и Јадранка Јовева.
Активности и донации
Во рамките на проектот беа донирани наставни и креативни материјали, кои ќе им помогнат на учениците во подобрување на наставата и развивање на нивните способности. Водени од темата „Сонце за сите деца“, беа организирани креативни работилници во кои децата преку уметнички активности ја согледаа суштината на пораката – дека сонцето грее еднакво за сите, без оглед на нашите различности.
Порака и значење
Проектот „Децата со посебни потреби во општеството“ претставува вистински пример за тоа како љубовта, разбирањето и поддршката можат да создадат поинклузивно и похумано општество. Преку насмевки, заедништво и почит, учениците испратија силна порака:
Сите сме исти под сонцето – затоа што љубовта нема граници!







ЈАВЕН ОГЛАС ЗА ВРАБОТУВАЊЕ НА
Почитувани корисници, Ве информираме дека