Денес 19.04.2023г.во ЛБ"Гоце Делчев" во Велес се одржа прекрасен литературно-книжевен настан посветен на нашиот роднокраен поет Ацо Шопов.
Настанот го отвори директорката Снежана Бошевска која истакна дека се почестени што се домаќини на ваков значаен настан и дека соработките помеѓу културните и образовните установи треба да се развива и негува се со цел за културно и образовно надградување на младите.
Библиотекарката Соња Манева ги запозна со активностите во рамки на Манифестацијата "Денови на Шопов" која во библиотеката се реализира веќе седма година по ред во чест на овој значаен роднокраен поет.
Тодор Џидров-библиотекар во Роднокрајното одделение во библиотеката кое со гордост го носи неговото име, ги запозна присутните со најзначајни податоци за него.
Д-р Јованка Денкова, професор на Катедрата по македонски јазик и книжевност -Филолошки факултет при УГД, даде стручен автобиографски осврт кон неговиот лик и дело.
Антонела Митева ученичка од ПСУ "САБА" во Штип четврта година ги разбранува чувствата кај сите присутни со интерпретацијата на песната од Шопов со наслов "Старо купувам" и ја презентираше својата изработена презентација за Шопов.Таа е пример за тоа дека делото и ликот на Шопов е инспирација и кај младите и дека има доследни почитувачи и следбеници.
Настанот беше збогатен со читање на негови стихови од средношколци од сите училишта во градот.
Благодарност да целиот тим вработени во ЛБ "Гоце Делчев" во Велес, посебно до директорката Снежана Бошевска, пред се за поканата, за топлото гостопримство и можноста да се релизира овој убав културен настан.











ЈАВЕН ОГЛАС ЗА ВРАБОТУВАЊЕ НА
Почитувани корисници, Ве информираме дека