На 14.02.2023г. се одржа осмиот по ред книжевно-музички перформанс во чест на љубота, виното, поезијата. Повторно се исполнија срцата на сите присутни од љубовта преточена во стихови,
интерпретирани од страна на ученици, студенти, академци, пратени од нежните звуци на гитари од страна на ученици. Се читаа и најубавите љубовни писма и преку ликовна уметност се преставуваше љубовта од литературните дела. Професорките од Катедрата по македонски јазик Ана Витанова -Рингачева, Јованка Денкова , Милена Ристова - Михајловска и Ванѓа Кузмановска од Техничко-технолошкиот факултет го збогатија настанот со читање на љубовни писма, лични творби и свое излагање за значењето на вакви настани и литературни дела.
Настанот се реализираше во соработка со Академија „Еуроарт“, сите основни и средни училишта и ФБ -група „Размена на книги“и потврдивме дека „Каде е љубовта -таму се книгите“. Овој настан и огромната љубов која ја споделивме беше посветен како морална подршка за сите настрадани во земјотресот во Турција и Сирија.
Модератор на настанот Ване Дериволов