На 26.10.2021г. во салата за промоција беше отворена стрип-изложбата со наслов „Увертира кон македонскиот стрип“од авторот а воедно и промотор Александар Стеванов.
Александар е родум од Штип и досега има високи достигнувања во стрип уметноста и оваа изложба е негов истражувачки проект за стрип цртежите во весници на познатиот српски поет Јован Јовановиќ - Змај за кој дошол до сознанија дека има македонски корени и истиот е преведен на македонски од страна на нашиот Ацо Шопов.
Присутните ученици од IX одделение од ООУ „Ванчо Прке“ со професорката по ликовно Верица Наумова покажаа голем интерес за оваа т.н. деветта уметност. Не само што научија за почетоците на стрипот во Македонија, поставија и многу прашања до авторот на кои добија и соодветен одговор.