Здружението за умножување слободни содржини „Споделено знаење“- Скопје, кое е огранок и застапник за спроведување на проектите и програмите на светската фондација Википедија во Македонија, во рамки на годинашната ставка насловена „Посета на музеи и библиотеки“, денес на 12.03.2021 година во просториите на библиотеката организира и спроведе обука за работење и уредување на Википедија со внесување на податоци за нашата установа, значајни манифестации и други податоци за градот Штип од разни области. За таа цел како извор на информации беа користени книги од богатиот фонд на библиотеката и истите се ставени на располагање на сите заинтересирани од целиот свет.